Treuzlizherennadur arabek

Diorroet ez eus bet meur a doare da dreuzlizherennañ ar skritur arabek gant lizherennoù al lizherenneg latin, da lâret eo e romanekaat, rak ne glot ket meur a fonem arabek gant ar re a vez kavet er yezhoù europek peurliesañ.

Savet e vez ar sistemoù treuzlizherennadur bewech hervez an implijoù da vezañ graet ganto. Diouzh un tu e ranker ober an diforc'h etre sistemoù treuzlizheranndur skiantel da vezañ implijet evit treuzskrivañ pep lizherenn en un doare rik ha resis hag un treuzlizheranndur evit implijoù boutin da vezañ implijet gant an holl pa ouifent arabeg pe get. Amañ da heul e vo displeget mont-en-dro un nebeud sistemoù skiantel bet diorroet kent hag implijet en deiz a hiziv.

Diwar an diazez-se neuze e c'hallor sevel un daolenn eeunoc'h da vezañ implijet evit treuzskrivañ anvioù arabek evit un implij boutin e yezh pe yezh, da skouer :

صدام حسين

> ṣdām ḥsyn

goude bezañ klokaet gant ar vogalennoù berr ne vezont ket skrivet en arabeg peurliesañ:

> treuzlizherennadur skiantel rik: ṣaddām ḥusayn

> treuzlizherennadur saoznek boas : Saddam Hussein

Kemm-digemm e vo pep treuzlizherennadur boutin e pep yezh-pal evel-just rak ret eo keñveriañ talvoud orin pep lizherenn arabek gant fonemoù ha reolennoù reizhskrivañ ar yezhoù-se, da skouer :

عمر خيام

treuzlizherenandur rik: ʻ(u)m(a)r ḫ(a)y(y)ām

treuzlizherennadur alamanek boas : Omar Chajjam

treuzlizherennadur brezhonek (kinnig): Omar C'hayyam

treuzlizherennadur esperantek boas : Omar Kajjam

treuzlizherennadur spagnolek boas : Omar Jayyam

treuzlizherennadur slovenek boas : Omar Hajam

treuzlizherennadur boutin turkek boas : Ömer Hayyam

Peurliesañ e vez klasket ober hep skrapoù na lizherennoù "iskis" pa vez treuzlizherennet evit un implij boutin kement ha aesaat al lenn.

Notenn : N'eo ket ur c'hement treuzlizherenniñ dre vras har romanekaat hag a denn d'an treuzlizherenniñ dre implijout al lizherenneg latin nemetken rak treuzlizhrennet e c'hall bezañ ur skritur bennak gant n'eus forzh peseurt doare-skrivañ all evel-just, da skouer :

treuzlizherennadur bulgarek boas : Омар Хайям

treuzlizherennadur hebraek boas: עומר כיאם

treuzlizherennadur taiek boas : โอมาร์ คัยยาม